a1 Kho 6:1
bGen 22:2; Gen 22:14
c1 Lan 21:18, 22:1
d1 Kho 6:16
e1 Kho 6:23-28
fEks 26:31
g1 Lan 15:27
h1 Kho 7:15-21
i1 Kho 7:15; 2 Kho 25:17; Jer 52:21
j1 Kho 6:5
k1 Kho 7:20

2 Chronicles 3

USolomoni wakha indlu yeNkosi

1USolomoni waseqala ukwakha indlu yeNkosi eJerusalema a entabeni yeMoriya b lapho eyabonakala khona kuDavida uyise, endaweni uDavida ayilungisayo ebaleni lokubhulela likaOrinani umJebusi c. 2Waseqalisa ukwakha ngenyanga yesibili ngolwesibili ngomnyaka wesine wokubusa kwakhe.

3Lalezi yizisekelo zikaSolomoni zokwakha indlu kaNkulunkulu. Ubude ngezingalo ngesilinganiso esidala babuzingalo ezingamatshumi ayisithupha, lobubanzi buzingalo ezingamatshumi amabili. 4Lekhulusi elaliphambili, ubude njengobubanzi bendlu babuzingalo ezingamatshumi amabili, lokuphakama kwakuzingalo ezilikhulu lamatshumi amabili. Wayihuqa ngaphakathi ngegolide elicwengekileyo. 5Lendlu enkulu wayembesa ngezigodo zefiri*, wayihuqa ngegolide elihle, wamisa phezu kwayo amalala lamaketane. 6Wayembesela ubuhle indlu ngamatshe aligugu; njalo igolide laliligolide leParivayimi. 7Waseyihuqa indlu, imijabo, imigubazi, lemiduli yayo, leminyango yayo ngegolide, wabaza ngokugubha amakherubhi* emidulwini. 8Wasesenza indlu yengcwele yezingcwele; ubude bayo njengobubanzi bendlu babuzingalo ezingamatshumi amabili, lobubanzi bayo buzingalo ezingamatshumi amabili; wayihuqa ngegolide elihle kwaze kwaba ngamathalenta* angamakhulu ayisithupha. 9Lesisindo sezipikili saze saba ngamashekeli* egolide angamatshumi amahlanu. Wawahuqa amakamelo aphezulu ngegolide.

10Wasesenza endlini yengcwele yezingcwele d amakherubhi* amabili ngomsebenzi obaziweyo e, wawahuqa ngegolide. 11Lempiko zamakherubhi, ubude bazo babuzingalo ezingamatshumi amabili. Uphiko lwelilodwa lwaluzingalo ezinhlanu lufinyelela emdulini wendlu, lolunye uphiko lwaluzingalo ezinhlanu lufinyelela ophikweni lwelinye ikherubhi. 12Ngokunjalo uphiko lwelinye ikherubhi lwaluzingalo ezinhlanu lufinyelela emdulini wendlu; lolunye uphiko lwaluzingalo ezinhlanu lunamathele ephikweni lwelinye ikherubhi. 13Impiko zalamakherubhi* zeluleka ingalo ezingamatshumi amabili; njalo ema ngenyawo zawo, lobuso bawo bukhangele ngasendlini.

14Wasesenza iveyili ngokuluhlaza okwesibhakabhaka lokuyibubende lokubomvu f langelembu elicolekileyo kakhulu g, wabeka kulo amakherubhi*. 15Wasesenza phambi kwendlu insika ezimbili h, ubude babuzingalo ezingamatshumi amathathu lanhlanu, lesiduku phezu kwengqonga yayo buzingalo ezinhlanu i. 16Wasesenza amaketane njengendaweni yelizwi, wawafaka esihlokweni sezinsika j; wenza lamapomegranati* alikhulu k, wawafaka emaketaneni. 17Wasemisa izinsika ngaphambi kwethempeli, enye ngakwesokunene, lenye ngakwesokhohlo; wasebiza ibizo lengakwesokunene uJakini, lebizo lengakwesokhohlo uBhowazi.
Copyright information for Ndebele